Overblog Suivre ce blog
Editer l'article Administration Créer mon blog

Tunisie

Tameɣra i d-yellan deg umezgun n Qerṭaj, iḍ n 10 ctember yezrin, sdat n yigiman n yilemẓiyen d tlemẓiyin i d-yusan si yal tama n Tunes, tesken-d udem amezwaru n wayen yessaram uɣref atunsi : tugdut, tilelli n wawal d tgada. D tabrat i d-uznen yinaẓuren d tnaẓurin i wid icukken deg umennuɣ agdudan n yitunsiyen. Wid ur nelli ara di Qerṭaj iḍ-a i ikecmen deg umezruy, walan tameɣra-a deg yimaṭṭafen n tiliẓri France 3, Nessma TV akked TV5 Monde.

Itran n ccna deg umaḍal mlalen-d akk di tmurt n Lyasmin akken ad cnun ɣef Tunes, cbaḥa-ines, tagrawla-ines, tissas n ugdud-is. Temlal tasa d win turew, di tegnewt ideg teddukel teḍsa,  imeṭṭi n tumert d uẓawan ahuskan bu-yal-initen.  Ufgent akk tlisa yellan gar yigduden, myeggaren idelsan di tumert. Aɣref atunsi si zik yettwassen s tegzi-s d tewwura-ines yeldin i yal amdan ansa yebɣu yas-d, tutlayt yebɣu yemmeslay-itt, akken tebɣu tili tesreḍt-is.

Ad d-nesmekti dakken ayen iwumi nsemma Tagrawla n Lyasmin tebda-d di Sidi Boussaid, segmi yenɣa iman-is umeɣras Bouazizi ad fell-as yeεfu yerḥem, ayen i d-yeglan s ccwalat di temdinin titunsiyin armi d asmi yettwaqleε uselway Zin El Abidine Ben Ali. Di kra n wussan, tger Tunes asurif meqqren di tugdut. Yiwen ur yezmir ad yerr amezruy ɣer deffir : la wid yellan deg udabu aεsekri, la wid yessexdamen tineslemt di tsertit. Tunes tezmer ad tili d tagduda tamagdayt tamezwarut di Tferka Ugafa.  Ayɣer ala? Ur telli tmendeffirt sdat n ffad n yilemẓiyen itunsiyen deg wayen yerzan izerfan n umdan, tilelli n wawal, agzam gar tesreḍt (ddin) d tsertit, tagada gar urgaz d tmeṭṭut, izerfan n umdan !

Nekni s Yizzayrien, Tunes d tağaret-nneɣ, Tunes d weltma-tneɣ, Tunes d asirem n tugdut, tugdut-nni i neffud d iseggasen ma drus aya!

Karim Kherbouche  

Tajmilt i Mohamed Bouazizi

Tag(s) : #Isallen

Partager cet article

Repost 0
Pour être informé des derniers articles, inscrivez vous :